अनवांटेड 72 / आई-पिल खइला के बाद पीरियड कब आवेला?

आई-पिल अवुरी अनवांटेड 72 दुनो आपातकालीन गर्भनिरोधक ह, जवन कि अनवांटेड गर्भधारण से बचे खाती लिहल जाला। अनवांटेड गर्भधारण कई कारण से हो सके ला, जइसे कि असुरक्षित सेक्स कइल, गर्भनिरोधक ठीक से काम ना कइल, या यौन उत्पीड़न के कारण। आपातकालीन गर्भनिरोधक अवांछित गर्भधारण के रोके के सबसे सुरक्षित अवुरी कारगर तरीका ह, जवना के प्रभावशीलता के दर 95-97% बा।

आई-पिल अवुरी अनवांटेड 72 दुनो में 1.5 एमजी लेवोनोर्जेस्ट्रेल होखेला, जवन कि महिला हार्मोन “प्रोजेस्टेरोन” के सिंथेटिक रूप ह।

आई-पिल तीन तरीका से गर्भधारण से बचावेला:

पहिला, इ ओवुलेशन में देरी करेला, मतलब कि इ अंडाशय से अंडा के रिलीज में देरी करेला चाहे रोक देवेला।

दूसरा, इ गर्भाशय के आस्तर के गाढ़ क देवेला, जवना से निषेचित अंडा प्रत्यारोपण ना क सके।

तीसरा, इ गर्भाशय ग्रीवा में बलगम के गाढ़ क देवेला, जवना से शुक्राणु के गति धीमा हो जाला अवुरी कवनो अंडा के निषेचन ना होखे पावेला।

अब बात कइल जाव कि आई-पिल भा अनवांटेड 72 खइला के केतना दिन बाद राउर पीरियड आ जाई!

एकरा खाती राउर मासिक धर्म चक्र के पहिला दिन से लेके 28वां दिन तक दु आधा में बांटे के होई।

इहाँ पहिला दिन राउर पीरियड के पहिला दिन होई, महीना के पहिला दिन ना।

त, जदी रऊवाॅं पीरियड के पहिला 15 दिन के भीतर आई-पिल लेतानी त राउर पीरियड 5-7 दिन के भीतर आ सकता। पहिला 15 दिन में एस्ट्रोजन के स्तर जादा होखेला, मतलब कि अंडा ओवुलेशन खाती तैयार होखता, जवना के आई-पिल में मौजूद प्रोजेस्टेरोन ओवुलेशन चाहे शुक्राणु से मिले से रोकेला।

एह दौरान राउर पीरियड सामान्य से हल्का हो सकता, चाहे राउर हल्का धब्बा लाग सकता।

आ अगर रउरा पीरियड के आखिरी 15 दिन में आई-पिल लेत बानी त पीरियड में देरी हो सकेला काहे कि ओह दिनन में प्रोजेस्टेरोन के स्तर अधिका होला आ चूंकि आई-पिल में प्रोजेस्टेरोन भी होला एहसे पीरियड में देरी हो जाला।

अयीसना में खून बहल सामान्य से जादे हो सकता।

आम तौर प आई-पिल चाहे अनवांटेड 72 के सेवन के 3 सप्ताह के भीतर पीरियड आवेला, जदी ना होखे त प्रेग्नेंसी टेस्ट कईल जरूरी बा।

आपातकालीन गर्भनिरोधक गोली सभसे कारगर होला अगर 24 घंटा के भीतर लिहल जाय, एकर असर 95% से ज्यादा होला आ अगर 48 घंटा के भीतर लिहल जाय तब ई महज 70-80% कारगर होला।

Source:- 1.Gainer, E., Kenfack, B., Mboudou, E., Doh, A. S., & Bouyer, J. (2006). Menstrual bleeding patterns following levonorgestrel emergency contraception. Contraception, 74(2), 118–124. https://doi.org/10.1016/j.contracepti...