दालचीनी के फायदा | वजन घटावे, रोग प्रतिरोधक शक्ति बढ़ावे आ चमकदार त्वचा खातिर!

आज हम दालचीनी के फायदा के बारे में बात करे जा रहल बानी।

लेकिन एकरा से पहिले त आईं जान लीं कि दालचीनी का होला?

दालचीनी एगो प्रकार के मसाला हवे जे दालचीनी के पेड़ के छाल से बनल होला। आमतौर पर एकर इस्तेमाल मिठाई बनावे आ बेकिंग में होला। दालचीनी के छाल के अलावा एकर पतई, फूल, फल आ जड़ भी बहुत फायदेमंद होला।

त आईं जानीं दालचीनी के 5 गजब के फायदा।

सूजन के कम करेला

दालचीनी में Cinnamaldehyde नाम के एगो यौगिक होखेला जवन कि शरीर के प्रतिरक्षा प्रणाली के मजबूत करेला। इ गठिया जईसन सूजन से जुड़ल बेमारी के कम करे में मदद करेला।

दालचीनी में मौजूद एंटीऑक्सीडेंट शरीर में सूजन बढ़ावे वाला हानिकारक पदार्थ के रोकेला। जब शरीर में सूजन कम हो जाला त दर्द अवुरी जरल जईसन मुद्दा भी कम हो जाला।

कैंसर से बचाव

दालचीनी में कई प्रकार के पॉलीफेनोल अवुरी एंटीऑक्सीडेंट पावल जाला। इ एंटीऑक्सीडेंट अवुरी पॉलीफेनोल शरीर में मौजूद फ्री रेडिकल्स के खतम क देवेला, जवन कि कैंसर पैदा क सकता।

एकरा अलावे दालचीनी कैंसर के कोशिका के बढ़े से भी रोकेला। इ खास तौर प पेट, स्तन अवुरी लिवर के कैंसर के रोके में मददगार हो सकता।

संक्रमण से बचाव करेला

दालचीनी में मौजूद Eugenol नाम के यौगिक बैक्टीरिया अवुरी फंगल संक्रमण के बढ़े से रोकेला। इ शरीर में घाव के जल्दी ठीक करे में मदद करेला अवुरी त्वचा के स्वस्थ राखेला।

दालचीनी खांसी, सर्दी अवुरी गला के संक्रमण के ठीक करे में भी मदद करेला। एतने ना, पाचन तंत्र में मौजूद हानिकारक बैक्टीरिया के खतम करे में भी मददगार होखेला। दालचीनी खईला से मसूड़ा के संक्रमण अवुरी दांत के सड़ला से भी बचाव हो सकता।

Oxidative Stress से बचाव

दालचीनी में बहुत सारा एंटीऑक्सीडेंट होखेला, जवन कि शरीर के ऑक्सीडेटिव तनाव से बचावे में मदद करेला। इ त्वचा के झुर्री से बचावेला अवुरी बुढ़ापा के प्रक्रिया के भी धीमा क देवेला।

Oxidative Stress दिमाग, दिल अवुरी बाकी अंग के कमजोर क सकता, लेकिन दालचीनी दिमाग के तेज करेला अवुरी बाकी अंग के स्वस्थ राखे में भी मदद करेला।

हृदय रोग से बचाव

दालचीनी शरीर में खराब कोलेस्ट्रॉल (LDL) के कम करे अवुरी बढ़िया कोलेस्ट्रॉल (HDL) बढ़ावे में मदद करेला। एकरा अलावे इ ब्लड प्रेशर के नियंत्रित करे में भी मददगार होखेला, जवना से दिल के दौरा अवुरी स्ट्रोक के खतरा कम हो जाला।

एकरा में मौजूद POLYPHENOL दिल के धमनियन के लचीला राखेला अवुरी खून के थक्का ना बनेला। दालचीनी शरीर में इंसुलिन के संवेदनशीलता भी बढ़ावेला, जवना के चलते इ डायबिटीज से पीड़ित लोग खाती भी फायदेमंद होखेला।

आप कैप्सूल, अर्क चाहे दालचीनी के चाय के रूप में दालचीनी के अपना आहार में शामिल क सकतानी। लेकिन,

दालचीनी के सेवन से पहिले डॉक्टर से सलाह जरूर लीं काहेंकी एकर कुछ दुष्प्रभाव भी हो सकता - जईसे कि कम बीपी अवुरी एलर्जी!

Source:- 1. https://pmc.ncbi.nlm.nih.gov/articles/PMC9914695/ 

2. https://pubmed.ncbi.nlm.nih.gov/31195168/ 

3. https://pubmed.ncbi.nlm.nih.gov/38846056/ 

4. https://www.webmd.com/vitamins/ai/ingredientmono-1002/cassia-cinnamon 

5. https://www.webmd.com/diet/supplement-guide-cinnamon